O Concello barbadés publicou xa as bases para acceder ás devanditas axudas, que en ningún caso poderán ultrapasar os 2.500 euros
Barbadás entregará ata 2.500 euros de subvención de promoción cultural ás asociacións e entidades sen ánimo de lucro que realicen actividades de fomento dos intereses culturais do municipio.
O Concello barbadés publicou xa as bases para acceder ás devanditas axudas, que en ningún caso poderán ultrapasar os 2.500 euros ou o 80% do orzamento que se presente no proxecto.
O prazo para presentar as candidaturas rematará o vindeiro 9 de maio e a partida dispoñible por parte do Concello será de 10.000 euros, segundo se recolle nas bases da convocatoria, publicadas Sistema Nacional de Publicidad de Subvenciones do Ministerio de Hacienda.
As actividades que poderán acollerse a esta subvención son as que se realicen durante o 1 de xaneiro e o 1 de decembro deste ano,aínda que podería haber excepcións de cara ás que se desenvolvan tamén durante o último mes do ano.
As asociacións ou entidades beneficiarias deberán estar censadas no municipio de Barbadás, lugar onde tamén teñen que desenvolver a súa actividade cultural.
