O vindeiro sábado, día 15 de decembro, a partir das 17,30 horas, terán lugar na biblioteca do Instituto Celso Emilio Ferreiro de Celanova, sito no mosteiro de San Rosendo, unhas xornadas organizadas por varios veciños da vila como apoio á Cruz Vermella e aos traballos que esta institución está a desenvolver nesta localidade para axudar aos máis necesitados e afectados pola crise económica.
'A xornada pretende afondar nos principais problemas sociais que está a xerar a depresión económica, sinaladamente nos eslavóns máis débiles da nosa sociedade, incidindo especialmente nas situacións de marxinalidade, precariedade, desamparo, delincuencia, conflitividade familiar e en xeral no retroceso do estado do benestar e na perda de dereitos e oportunidades para os máis desfavorecidos', sinala Xosé Benito Reza, responsable da organización non gubernamental en Celanova.
Ditas xornadas contará coa presenza de Carlos Varela García, fiscal xefe de Galicia; Luís Manuel García Mañá, comisario principal da policía nacional e membro do consello xeral da policía; José Manuel Ucha López, fiscal delegado de menores de Ourense; Roberto Bustillo Bolado, decano da Facultade de dereito do campus de Ourense, e Javier Casares Mouriño, xefe da Unidade de Neonatoloxía do complexo hospitalario de Ourense e presidente da Fundación Carlos Casares. As xornadas rematarán cun concerto de órgano na igrexa de San Rosendo, as oito da tarde.
A programación de actividades prolongarase o próximo día 29 de decembro cun gran torneo benéfico no pabellón deportivo a partir das 17,00 horas, con equipos da categoría prebenjamín de fútbol sala.
Ditas xornadas contará coa presenza de Carlos Varela García, fiscal xefe de Galicia; Luís Manuel García Mañá, comisario principal da policía nacional e membro do consello xeral da policía; José Manuel Ucha López, fiscal delegado de menores de Ourense; Roberto Bustillo Bolado, decano da Facultade de dereito do campus de Ourense, e Javier Casares Mouriño, xefe da Unidade de Neonatoloxía do complexo hospitalario de Ourense e presidente da Fundación Carlos Casares. As xornadas rematarán cun concerto de órgano na igrexa de San Rosendo, as oito da tarde.
A programación de actividades prolongarase o próximo día 29 de decembro cun gran torneo benéfico no pabellón deportivo a partir das 17,00 horas, con equipos da categoría prebenjamín de fútbol sala.
