O vindeiro xoves 24 de outubro, de 18,00 a 19,30 horas, a Biblioteca Pública Municipal de Verín programa a iniciativa 'Día Internacional das Bibliotecas' no marco da programación de actividades destinadas ao fomento da lectura e dinamización da instalación municipal.
A mesma está destinada a un máximo de 20 nenos socios da instalación, con idades comprendidas entre os tres e os nove anos. Permitirá conmemorar a efeméride do Día Internacional das Bibliotecas entre os socios máis novos da instalación cultural verinense, e consistirá na realización de contacontos e dúas manualidades realizadas con materiais naturais: piña paxaro e ourizo de follas. Para a primeira, os participantes deberán traer pegamento, ollos de plástico e goma; mentres que para a segunda será necesario pegamento, follas pequenas, un ollo de plástico, pinturas e cartolina. As actividades serán coordinadas por nenos voluntarios, de entre 11 e 16 anos, e persoal da Biblioteca Pública Municipal de Verín.
