Onte finalizou o programa de emprego da Asociación de Empresarios do Polígono de San Cibrao, que superou o 50% de inserción laboral no último ano. Do centenar de participantes, 73 traballaron nalgún momento dende que se puxo en marcha o programa e 54 deles siguen activos a día de hoxe. Para poñer fin a esta iniciativa, onte celebrouse un Foro de Emprego, ao que asistiu o presidente dos empresarios, José Antonio Rodríguez Araújo, que destacou “a motivación na búsqueda de emprego, a cal xoga un papel tan importante como os coñecementos adquiridos”.
Este programa desenvolveuse durante os últimos 12 meses, impartíndose 1.200 horas de formación en 25 cursos, tanto específicos en soldadura, fontanería ou administración; como transversais, en recursos informáticos ou habilidades sociolaborais.
No foro entregáronse dous galardóns: o premio ao Currículo Excelente, outorgado a Massiel Carolina Acuña; e o premio á Maior Participación nas actividades do programa, entregado a Natalia Rodríguez. n
