O PSOE reclama adoptar as medidas “que fagan falta” co fin de dar “solucións urxentes” á veciñanza do núcleo rural de Rabo de Galo, na contorna da cidade, trala “chapuza” do goberno local as obras de reforma das rúas Carballo e Salto do Can
O PSOE de Ourense comprobou in situ as “importantes deficiencias” dun proxecto executado defectuosamente tras unha “rebaixa brutal” do orzamento inicial.
O PSOE levará ao próximo pleno unha iniciativa na que piden enviar aos técnicos municipais responsables do proxecto a visitar a zona da reforma das rúas Carballo e Salto do Can e a emitir un informe das deficiencias evidentes na execución. Tras isto, esixen adoptar as medidas necesarias para a solución das deficiencias antes do remate definitivo e da recepción formal.
Tamén reclaman informar dos motivos da importante modificación realizada do proxecto inicial, das responsabilidades derivadas das deficiencias existentes nas obras e de quen se vai facer responsable dos danos e prexuízos ocasionados.
Segunda prórroga para as obras da rúa Concordia
As obras de reforma integral e instalación de ramplas mecánicas na rúa Concordia está inmersa nunha nova ampliación de prazo, que vence o vindeiro 19 de abril, segundo puido saber este xornal. É á segunda prórroga dun mes que o Concello concede ao prazo de execución das obras que executa a empresa Extraco. As obras comezaran hai un ano, o 19 de abril de 2022. Inicialmente, os traballos debían estar rematados o pasado mes de decembro.
Un problema cos colectores -ao non estar contemplados no proxecto orixinal-, provocou gran parte da demora e un sobrecusto na reforma de máis de medio millón.