O Concello de A Gudiña ten preparado un día especial para o desfrute dos máis cativos coa presenza nos pobos do rural e na propia capitalidade dos Reis Magos de Oriente, que se achegarán ata este lugar o vindeiro día 5 de xaneiro a repartir ilusión entre os nenos e nenas deste municipio.
A cabalgata de reis de A Gudiña partirá a primeira hora da tarde do vindeiro martes -concretamente, ás 15.30 horas- e percorrerá, por orde, os pobos de Parada da Serra, San Lourenzo, Erosa, Barxa, Pentes, A Gudiña, Venta Teresa, Venta Espiño e Tameirón.
Dende o Concello de A Gudiña animaron aos nenos e nenas a participar nesta actividade e a "portarse ben".
Será a última iniciativa conmotivo dunhas festas nas que o covid-19 obrigou a suspender a meirande parte dos actos previstos no Nadal pero que, malia a situación, poderá celebrarse nesta localidade do sur da provincia.
