O cabeza do lista do BNG, Luís Seara, debullou onte a súa intención de construír novos equipamentos deportivos na finca Santamariña, “chamada a ser o gran pulmón verde do Concello”, segundo dixo. En concreto, a súa formación quere edificar “un pavillón polideportivo, adaptado á práctica de todas as variantes da ximnasia e que estea homologado para poder desenvolver nel eventos de carácter galego, estatal ou mesmo internacional”.
Ademais do polideportivo, pretenden construír un rocódromo “diante da crecente afección e práctica deste deporte”, coa fin de contar “cunha instalación moderna, funcional e igualmente homologada para a celebración de eventos e campionatos”. Ademais, dende o BNG sinalan a necesidade de aumentar a oferta de piscinas olímpicas, polo que queren habilitar un novo recinto para a natación na finca e desconxestionar a dos Remedios.
O obxectivo é aliviar a demanda sobre as instalacións deportivas existentes, así como dotar á zona de Mariñamansa e a súa área de influencia de espazos onde facer deporte, tal e como xustifican os nacionalistas.
