Felipe Ferreiro: "Xestionar dunha boa forma a recuperación económica, daralles a saída digna máis cedo"

O Plan Cruz Vermella Responde naceu para actuar inmediatamente coas persoas máis vulnerables que, ao inicio da pandemia, se viron sen nada. A colaboración coas adminsitracións públicas e as achegas do ámbito privado, tanto de empresas como de persoas a título individual, foron indispensables e aínda hoxe son benvidas. ¿Segue habendo moita necesidade entre a poboación? Os primeiros impactos pilláronnos sen estar preparados. O noso peor momento foi de marzo a maio, porque moita xente con traballos precarios quedaron sen nada. Agora seguimos tendo moitas persoas que atender todos os días porque hai moita necesidade. Esa é a nosa realidade. A xente estao pasando mal porque os traballos non se recuperan e o tempo pasa. As colaboracións son fundamentais para garantizar esas axudas... Ata finais de xuño contamos coa seguridade da tarxeta moedeiro da Xunta, que se ampliou ata xuño. É unha garantía para atender a persoas e familias que están en risco. A nosa preocupación principal é buscar, tras vencer á pandemia, solucións para as persoas que se atopan en risco de pobreza e vulnerabilidade. Isto é un traballo que lles permita vivir dignamente. Os que tiñan empregos precarios, víronse sen nada na rúa. Por iso nos volcamos coa súa formación. A sociedade ourensá, ¿respondeu? O primeiro era poñernos en marcha e tiñamos a confianza de que as administracións e as empresas colaborasen. A principios de abril o primeiro alivio chegou coa aprobación dunha partida económica dende a Deputación, que nos apoiou moito. Ese foi un alivio inicial. Logo chegaron empresas como a Academia Postal, Coren -que segue apoiándonos-, tamén Bodegas Gallegas, Aceites Abril, Seur e moitas outras empresas. CaixaBank apoia coa atención dos nenos, que non teñen os mesmos recursos e especialmente aféctalles a fenda dixital. Todo isto foi un alivio para nós, sen esquecernos das aportacións dos socios e dos que colaboraron no Plan Cruz Roja Responde. ¿Cales son as prioridades agora? Cubrir as necesidades básicas segue sendo o principal. Pagar o material dos nenos, a luz, o aluguer, vestirse e tamén alimentarse, é o máis importante de todo. Os gastos dunha familia son moitos e a xente segue tendo unha necesidade que segue aí, polo que as colaboracións precísanse. Isto non acabará ata que se regularice a situación pandémica e socioeconómica. ¿Como poderán recuperar a súa vida esas persoas Na situación na que estamos, nós pudemos responder. Agora precimos consenso para que a vacinación poña fin á pandemia e logo que a xestión da recuperación económica permita ás persoas vulnerables unha saída digna o máis pronto posible. Se eles melloran, faino toda a sociedade.