Despois dun longo traballo de análise das 772 fotos presentadas, o xurado do concurso fotográfico Rosa Pons, composto por Luís Baños, Fernando Sacó e Xosé Antón Vázquez, emitiu o seu fallo. A foto gañadora da sección de Visións de Parada de Sil foi “Unha Xanela á Natureza” do fotografo de Barbadás José Manuel Novoa Blanco ó que lle corresponde un premio de 800 euros quedando en segundo lugar a foto “ Mar de Neboa” do fotógrafo ourensán Victor Manuel Fernández Díaz cun premio de 300 euros.
Unha Xanela á Natureza” do fotografo de Barbadás José Manuel Novoa Blanco.
Nesta sección presentáronse 90 fotos das cales a maior parte foron de Ourense.
No tema libre o gañador foi Eduardo Moody Silveira de Bahía, Brasil, coa foto titulada “ O Brasil da AÇAÏ” que recibirá un premio de 700 euros, queando en segundo lugar o gaditano Francisco Javier Domínguez coa foto titulada “Quietud” cun premio de 200 euros. Salienta o xurado que a parte de presentarse fotos de todas a comunidades autónomas, tamén cidadáns de Colombia, Brasil, Cuba, Romanía, México e Mozambique. "Isto amosa que o concurso está totalmente consolidado", sinalan.
O alcalde Aquilino Domínguez agradeceu o traballo desinteresado do xurado e tamén quiso dar as gracias unha vez máis o empresario de Parada de Sil, afincado en Barcelona, Camilo Yañez o finanzamento dos premios.
O acto de entrega de premios terá lugar no salón de plenos do concello o día 26 de agosto ás 19 horas.
