O Consello da Xunta deu onte o visto e prace á declaración de utilidade pública e de interese social de cinco aldeas modelo: Covelo (Taboadela), O Seixo (A Gudiña), Carzoá (Cualedro), Francos de Proendos (Sober) e Mouteira-Parada (Cerdedo-Cotobade). Estas son as primeiras aldeas declaradas trala entrada en vigor da Lei de recuperación da terra agraria de Galicia e, polo tanto, ás primeiras que se lle aplicará a tramitación de urxencia do seu procedemento e dos informes ambientais e sectoriais.
Isto permitirá axilizar a posta en valor de máis de 130 hectáreas arredor dos núcleos de poboación. Concretamente, as ourensás (Taboadela e Carzoá) comprenden preto de 60 hectáreas e xuntan a 300 propietarios que posúen máis de 600 parcelas. Agora, o seguinte paso é aprobar os proxectos de ordenación produtiva, isto é, os usos máis idóneos para a explotación destas iniciativas.
