“Córgomo foi unha festa. Poucas veces a celebración do Día das Letras Galegas tivo unha resposta tan activa e espontánea. Imposible entender a poesía e mesmo o talante de Florencio Delgado Gurriarán sen a música e a paisaxe de Valdeorras”, expuso Víctor F. Freixanes no limiar.
Nun primeiro apartado do boletín aparecen os traballos presentados no Simposio Florencio Degado Gurriarán, que tivo lugar os días 3 e 10 de novembro. Aquí, aparecen os traballos de Xesús Alonso Montero, Ramón Nicolás, Débora Álvarez Moldes, Concepción Álvarez Pousa, Xosé Manuel Dasilva, Ricardo Gurriarán Rodríguez, Xosé L. Pastoriza Rozas, Samuel Diez e Pilar Cagiao. O segundo inclúe as alocucións académicas do 17 de maio de 2022, en Córgomo, de Ramón Villares, Rosario Álvarez e Xesús Alonso Montero.
O último número do 'Boletín da Real Academia Galega' xa pode descargarse na sección de publicacións da nosa web. O volume correspondente á actividade de 2022 ten como protagonistas a Florencio Delgado Gurriarán e Xosé Ramón Barreiro. @asletrasdeFDG https://t.co/6N5OM8Et4o
— Real Academia Galega (@AcademiaGalega) April 26, 2023
Outra parte destacada da publicación da Real Academia Galega a centra unha lembranza do historiador Xosé Ramón Barreiro Fernández. Nesta sección, afóndase nas olladas sobre a figura do académico que foron expostas na homenaxe do 17 de marzo do ano pasado, no seu primeiro cabodano.