Normalmente algún dos grupos participantes nas Xornadas do Folclore xa pasou por algunha das 27 edicións que o festival ten ás súas costas; pero outros son unha auténtica novidade para os espectadores ourensáns. Se ben é certo que cada país ten o seu folclore -diferente ó do país veciño-, sempre, en maior ou menor medida, tendemos a asociar patróns culturais segundo o continente do que procede un colectivo.
Así, mentres que sabemos que os rusos nun momento dado comezarán a mostrar destrezas dignas dun acróbata, tamén podemos intuír que coas músicas latinoamericanas nos ha custar manternos quietos no asento. Pola contra, as mulleres dubidaremos da nosa feminidade ó ver os delicados movementos das mozas asiáticas, mentres que os tambores africanos contaxiarán ata ó máis arrítmico.
Pero, que zona é a favorita do público á hora de verse na obriga de escoller? Pois ningunha. Non hai quen se atreva a sinalar unha área folclórica como máis atractiva ca outra.
O comentario xeral, ó preguntarlle ós espectadores, é sempre o mesmo: todos teñen moito mérito e a experiencia é moi enriquecedora. Se de amenidade se trata, a maioría coincide en que os rusos, normalmente, son os máis vistosos. Deste xeito, mentres que os do Leste gañarían polas súas piruetas, tamén é de sinalar a profesionalidade técnica que demostran os grupos do continente americano.
Outro elemento de interese, sobre todo visual, son as vestimentas que lle dan forma ó folclore e ós costumes do mundo enteiro. Sempre resulta interesante comparar a maneira que teñen de porse de gala a través dos países.
Tampouco hai, a grandes rasgos, unha agrupación que permaneza especialmente na memoria dos ourensáns, porque dun ano para outro o que mellor recordan é que a selección dos grupos sempre satisfai as expectativas.
Uns conxuntos folclóricos gustan un pouquiño máis ca outros, como é natural, pero o que conta é que o espectáculo en conxunto non deixa indiferente a ninguén. Un ano máis, así se está vendo no éxito de convocatoria que supoñen as Xornadas do Folclore en cada unha das vilas que visitan.
Pero, que zona é a favorita do público á hora de verse na obriga de escoller? Pois ningunha. Non hai quen se atreva a sinalar unha área folclórica como máis atractiva ca outra.
O comentario xeral, ó preguntarlle ós espectadores, é sempre o mesmo: todos teñen moito mérito e a experiencia é moi enriquecedora. Se de amenidade se trata, a maioría coincide en que os rusos, normalmente, son os máis vistosos. Deste xeito, mentres que os do Leste gañarían polas súas piruetas, tamén é de sinalar a profesionalidade técnica que demostran os grupos do continente americano.
Outro elemento de interese, sobre todo visual, son as vestimentas que lle dan forma ó folclore e ós costumes do mundo enteiro. Sempre resulta interesante comparar a maneira que teñen de porse de gala a través dos países.
Tampouco hai, a grandes rasgos, unha agrupación que permaneza especialmente na memoria dos ourensáns, porque dun ano para outro o que mellor recordan é que a selección dos grupos sempre satisfai as expectativas.
Uns conxuntos folclóricos gustan un pouquiño máis ca outros, como é natural, pero o que conta é que o espectáculo en conxunto non deixa indiferente a ninguén. Un ano máis, así se está vendo no éxito de convocatoria que supoñen as Xornadas do Folclore en cada unha das vilas que visitan.