Medio cento de escolares de 2º de ESO do colexio Divina Pastora Franciscanas participaron hai uns días nunha interesante saída coa que conmemoraron por todo o alto o Día da Árbore.
Medio cento de escolares de 2º de ESO do colexio Divina Pastora Franciscanas participaron hai uns días nunha interesante saída coa que conmemoraron por todo o alto o Día da Árbore. Partiron do centro camiño de Cudeiro, polo Camiño Real, onde acompañados polo seu profesor Gonzalo participaron nunha prantación de árbores e en moitas outras divertidas propostas. Para chegar ao destino realizaron unha ruta de sendeirismo que os levou polo Camiño Real hacia a ermita de San Marcos. Unha vez alí participaron nun obradoiro de cartografía e orientación, mapas e brúxulas. Tamén participaron nunha plantación de castiñeiros, bidueiros, carballos e acebos. Na casa de Emilio, hospitalario do Camiño Real, foron testigos dunha charla de concienciación xa que 2015 é o ano internacional do chan. Por último, coñeceron e utilizaron un ralescopio co que calcularon a altura das árbores. Foi unha experiencia do máis froitífera e divertida.
