O Padroado da Cultura Galega de México, editou em 1959, hai 50 anos a revista titulada Vieiros, que soubo xuntar e mostrar a cultura galega desde uma perspectiva e uma vivencia centrada na emigración. Foi um referente para os que loitarom contra a ditadura Franquista e serviu de expressom a aqueles que forom calados pola sinrazom da guerra máis cruel das existentes: a civil. Case sempre se fala dos mesmos Luis Soto, Carlos Velo, Florencio Delgado Gurriarán, Arturo Souto ou Elixio Rodríguez pero quero destacar ao Dr Carnicero como fiel colaborador da causa comunista e galego comprometido coa sua lingua.
Alá polo ano 1978 D. Antonio Fernández Carnicero regresaba a Ourense, despois dum exilio inevitable e forzoso. Moito teriamos que falar deste médico camarada de Luis Soto, pero ainda temos que dar forma a súa biografia esquecida. Certo é que jogo com alguma sorte engadida, posto que o arquivo pertence a minha familia máis directa.Tráta-se do meu tio-avó. Pero som moitas as cartas e fotografias, ademáis das testemunhas do seu irmao farmacéutico, para por no seu orde debido e mostrar como uma vida chea de ilusions, mudou numa loita por preservar a vida. Ainda que esa vida sempre estivo ligada á Galiza e lembro moi bem o dia cando fum conhecelo acompanhado dos meus pais. Falaba o galego que aprendim dos meus avós e coa súa dona Maria Bouzo tamem falaba o galego e contabam a sua fuxida e como o Candidinho (familia da minha mai) o axudara em Portugal. Lembro que os seus olhos, moi fundidos chegarom a impresionarme e tamem houbo um gram silenzo na conversa cando afirmaba que se nom houbese fuxido liquidábano. Toda uma experiencia de ver a um comunista que ademais era da familia. A nossa incultura política chegaba a uns límites exponenciais e as explicacións do Dr Carnicero nom coincidiam coas nossas. Ser de esquerda era algo máis que políticamente incorrecto e pertencía aos grupos de risco do Nacional Catolicismo, porem nos tamem estabamos no mesmo grupo perigoso, ainda que com distinto nome, ao nom ser católicos. Este feito diu moitas voltas na minha cabeza e tenho concluido que os que nom gostam da liberdade chegam á repressom.
Co motivo do 50 aniversario da revista Vieiros, este sábado día 10 van-se celebrar em Celanova actos nos que participaram galegos ilustres que conhecem vem as vidas dos protagonistas desta publicaciom que viu-se interrumpida en 1968. Vieiros viu a luz de novo um 24 de febreiro de 1996, data que coincidía coa primeira emisiom da Radio Galega e co aniversario do nacemento de Rosalía de Castro.
