Neste corto artigo tentarei relatar o que aconteceu numa escola calquera dum recuncho da Galiza, onde topei cuma nena de poucos anos que asistía cos seus companheiros a uma clase lúdica e gozaba das actividades ofertadas polos mestres. Entre as aprendizajes máis significativas estam as de carácter artístico e sempre hai a posibiblidade de globalizar as demáis áreas para enriquecer o tema a tratar. Deste modo hai tempo para fomentar a expresiom dos alumnos/as a nivel oral. Nesta tesitura houbo um pequeño problema de disrupciom no aula e o mestre, despois de resolver o conflicto, dixo que nom era preciso berrar para que os nenos e as nenas aprende-sem. Esta nena desa escola galega calquera corregiu ao seu mestre e díxolhe cuma firmeza inusual: se alguem fai algo mal tes que berrarlhe. Cando soubem deste episodio fiquei pensando em varias cousas.
A maioría dos profesionais da educaciom, esto é, os que cada día convivem cos alumnos, ensinan e dedicam as súas vidas ao ensino, cóntanme que nalgum intre tiverom a tentaciom de pegar num berro para tentar que todos os alumnos calaram, pero o resultado foi o contrario, conseguindo que os nenos elevan-sem moito o umbral sonoro ficando eles disfónicos. O berro é em principio, um recurso negativo que algúns, e so uns poucos, logram que tenha um efecto positivo. Podo enumerar algúns mestres e mestras que sempre tiverom o costume de dar aulas berrando e que conseguirom acadar as metas propostas. Com todo, seguem a ser uma singular excepciom posto que a inmensa maioría emprega as técnicas axeitadas ás necesidades dos alumnos, que como é obvio, nom som as mesmas para todos. É por iso que nom existe a fórmula mágica para dar aulas a calquera grupo sendo a diversidade tam grande que so os mestres sabem encontrar o equilibrio propio para aprender jogando e para jogar aprendendo.
Hai algúns anos tivem a oportunidade de compartir algún tempo cum especialista da educaciom chamado Guillermo Ballenato Prieto. Sorprendeume a súa conferencia titulada Educar sem berrar, e existe uma publicaciom orientada aos pais neste mesmo senso. O professor Ballenato di que educar aos filhos nom é uma cuestiom de transmitir conhecementos e nada máis, pero por outra parte o possuir bos sentimientos nom nos habilita para seres bos educadores. Neste caso podemos extrapolar os conceitos e trasladar-nos do aula á casa, e do fogar á escola. Pessoalmente creo que um espazo para posibilitar uma boa convivencia para a aprendizaje e a armonía de todos os que formamos parte de cada Comunidade Educativa debe estar dirigida pola serenidade e a firmeza duma frase oportuna no seu debido entorno, lonxe dos berros que presagiam o medo duns e doutros.
Educar sem berrar pode ser um bo reto tamem para os que som nais e pais. Pouco tempo dedicamos a jogar cos nossos filhos como para que á primeira oportunidade lhe demos um deses berros que so aportam bágoas e distanciamento. Despois chegará a falta de confianza e de diálogo, que por desgraza algúns quereram recuperar cando sexa moi tarde.
(*) Membro do Conselho Escolar de Galiza
