Cando eres neno nom podes resistir ante a presenza dum balom de futebole e jogas, case por ósmose, cos amigos a todas as horas que da o día. Despois mercas e coleccionas os cromos dos jogadores e equipos de primeira e segunda divisiom para os ter a todos juntos e poder elegir quem queres ser de maior. Por se fose pouco entrenas nos equipos de infantís e ainda que poucas veces te chamem a jogar um partido enteiro, síntes-te o amo do mundo ao levar a camiseta do equipo co nome da escola ou mesmo coa marca comercial que o patrocina, ainda que nunca na vida ouviras falar dela.
Despois passam os anos e atopas a algum companheiro pola ponte velha e cóntache que seguiu a carreirinha de futbolista em terceira regional. Lémbro bem a faciana do amiguinnho Lino..., e decátas-te que nom tenhem a ficha dos que escoitas pola televisiom ao mesmo tempo que vas tomando nota do tema. Ademáis faise público que a pesar de que os clubes constitúen-se em Sociedades Anónimas desportivas tenhem máis butatos cuma peneira, e cando alguem pensa que iríam ao tacho, vem a sorpresa!, as subvencións públicas aparecem de contado.
É por todo isto que entendo que a nova legislación em materia de impostos para clubes e jogadores que case ingresam o mesmo ca moitos de nós, pero por segundo, tenham que pagar até o 47% de IRPF. Com todo hei pedir escusas porque nom tenho nem ideia de futebole ainda que reconheza que neste pais nom exista nenhum outro deporte melhor do que entende todo o mundo. Acontece com frecuencia que os que gostamos do tenis ou da patinagem artística nom temos outra que nos conformar á maioría que nom pode viver sem futebole. Tamem os que acadam o máis alto em gimnástica acrobática ou em Wushú, segue a sofrir o desalento de pagar do seu peto moitos dos gastos que tinham que ser de balde.
Moita gente estará preocupada polo dinheiro que tenham que pagar os jogadores em impostos alegando que poidam ires a outro pais onde ainda conservem os paraisos fiscais para eles, posto que a carreira destes profesionais é moi curta e polo visto nom todos poderam ejercer coma técnicos ( que lho digam a Maradona). Persoalmente penso que se esto acontece faranlhe um pequeno favor aos deportes minoritarios e quizáis tenhamos a sorte de comezar a viver o baloncesto coma nos anos 90, que quixo facerlhe sombra ao futebole e nom tardarom em cortarlhe os fumes, nom fora que o negocio vinhese abaixo.
Dim que a liga neste país é a melhor do mundo e pouco importa que haxa num mesmo equipo até vinte nacionalidades diferentes; assim até aí podo entendelo. O que tenho dificultade para asimilar é que nom se fomente o desporto de base como acontece noutros paises onde os melhores podem chegar a estudar em Universidades de prestigio se demostram querer e poder dedicar-se ao desporto no que destacam. Neste momento se um equipo infantil chega a ganhar todos os partidos nas competicións escolares, passam a competir com outros equipos Federados que entrenam a diario. Deste modo tarde chegaram a jogar de maiores, coma profesionais, na melhor liga do mundo, nom creem?
(*) Membro do Conselho Escolar de Galiza
