Um ano máis chega cargado de celebracións e lembranzas arredor do día da República. Para demasiada gente o tema nom deixa de ser uma revindicaciom de tempos passados e para outra uma loita ideológica equiparabel aos grupos carlistas ainda existentes. Pero é curioso observar que cando se fala de dinheiro, é dicer, de que o custo da actual monarquía sobrepasa os 6 milhoes de euros anuais, as pessoas comezam a esvarar sem rumbo e moitos ficam sem argumentaçoes. Com tudo, este ano podemos asegurar que a monarquía tivo especial participaciom em suscitar temas políticos que som do interés de todos. E ainda que o máis correcto sería dicer arbitrar, a ninguem se lhe escapa que a figura do monarca segue a ter ainda moito peso específico cando sem querelo, chama á atenciom de asuntos como o pacto pola educaciom ou do entendemento dos grupos políticos. Algúns até querem fazer-nos ver que é como se estivesemos numa República, que no nosso caso, sería a terceira.
Dim que á terceira vai a vencida e lembro que numa conferencia de Gaspar Llamazares, fazendo de profeta no seu tempo, e segundo a minha parafrase, dixo que neste contexto sería moi difícil chegar á República, pero que nom estaba longe na próxima gerazom. Quem sabe?, pode ser que cheguemos a acadar um estado laico e um cambio no modelo de Estado, pero em definitiva o que máis preocupa é que se mantenha no tempo e nom remate todo como em tempos passados no que, com matices, todos perderom. Mais quero deixar claro que os que sempre perderom forom os republicanos, posto que incluso na transiciom ejemplar deste país, eles tampouco ganharom nada da nada.
Fica longe o 14 de abril de 1931 no que se proclama a II República Española, e Alfonso XIII afirmaba: Las elecciones celebradas el domingo me revelan claramente que no tengo hoy el amor de mi pueblo... marchando ao exilio. Desenvolveu-se um fervor pola República desconhecido até o momento, e dentro do novo estado quero destacar o seu fazer em materia educativa. D. Marcelino Domingo vai ser ou primeiro ministro de Instruciom Pública durante ano e medio com Domingo Barnés de subsecretario e D. Rodolfo Llopis de director xeral. O 29 de abril sae á luz um decreto sobre o catalán, no que se introduce uma segunda lingua no ensino e num decreto do 4 maio de 1931 reestrutúrase o Conselho de Instrucciom Pública e créase a Universidade Internacional de Santander com D. Miguel de Unamuno como reitor. A República tería que loitar contra problemas como a crise económica mundial, pero isso nom foi excusa para incrementar o orzamento num 46% em dous anos.
Falando das circunstancias que desenvolverom a República em Espanha, so podemos atopar coincidencias forzadas coa actualidade, ainda que nom podo olhar sem um chisco de enveja a aqueles paises vecinhos que a gozam desde hai algum tempo. Penso, por tanto, que os amigos da República som algo mais que um grupo de romanticos arredor duma ideia e habera que seguir agardando o resto da historia. Pero iso si que sera outra historia.
