A Consellería de Cultura e Turismo, a través da súa Secretaría Xeral creará durante esta lexislatura as coñecidas como Vilas Literarias un producto turístico novedoso que tentará mostrar e dar a coñecer a nosa Galicia dun xeito diferente a todos aqueles que se acheguen a nosa terra ca intención de visitarnos.
Esta atractiva e orixinal iniciativa, fundamentalmente dirixida aos visitantes, ten como obxectivo mostrar un paquete turístico e levará ao visitante a traveso duns itinerarios turísticos nos que prime a literatura escrita dos autores galegos.
Varias serán as rutas para a elección do itinerario proposto, que terá que cumprir cunha serie de requisitos, entre o que destaca que a súa poboación teña a categoría de vila, que sexa lugar de nacemento dalgún dos nosos coñecidos escritores ou que posúa algún percorrido recoñecido específicamente como literario.
Diferentes vilas e cidades, con amplo abano literario, serán propostas para a tan desexada elección que, en caso de selección, verán ampliada a súa oferta turística. Iniciativas como a presente sempre son ben recibidas con agrado por aquel visitante que demanda outro tipo de reclamo turístico tan por contra do que se acostuma a ofertar tradicionalmente , esto é, sol e praia.
Benvida sexa a proposta que esperemos teña boa acollida por parte de todos aqueles concellos interesados en mellorar a súa oferta turística de cara ao visitante.
