1
/
6
Para facer esta divertida peonza tan só necesitaremos cinco materiais e son moi fáciles de conseguir: un vaso de papel, un pauciño con punta, tesoiras, rotuladores de cores e unha pistola de silicona ou o pegamento que ti prefiras. Se usas a pistola, asegúrate de que che axude un maior para non mancarte.
2
/
6
O primeiro que faremos será coller o vaso e marcar oito puntos na parte por onde se bebe. Fíxate que queden á mesma distancia uns dos outros, porque senón a peonza vai quedar descompensada. Cando os teñas marcados, colle as tesoiras e corta recto dende cada un dos puntos ata o fondo do vaso para abrilo.
3
/
6
O resultado terá que ser unha especie de círculo con aspas. Dalle a volta e estira ben cada unha das patas da peonza. Cando o teñas, mide o círculo central (que antes era a base do vaso de papel) e marca o medio. Non perdas esta referencia, porque será onde coloquemos o eixo da peonza e será fundamental para que xire ben.
4
/
6
Chegou o momento máis divertido! Toca decorar e aquí non hai regras nin pasos que valgan. A túa creatividade será a que mande. Nós decidimos facer un deseño de picos de cores para que faga un efecto ben chulo cando poñamos a xirar a peonza. Sexa cal sexa o teu deseño, é importante que cortes os bordes do vaso para quitarlle peso á peonza.
5
/
6
Só nos faltan un par de cousiñas, pero son as máis importantes. Cando teñas a peonza decorada ó teu gusto, colle o pauciño e, coa punta, fura ben pola marca que fixemos antes no medio da base. Introduce o pauciño coa punta cara a parte de abaixo e pégao coa pistola de silicona.
6
/
6
