Un total de 34 persoas participaron na primeira sesión das tres que integrarán o seminario “Competencia intercultural, empregabilidade e participación. Vías para a inclusión sociolaboral de persoas migrantes” que se desenvolverá durante esta fin de semana e continuará o luns cunha sesión telemática. Entre os inscritos, atópanse emigrantes de Sudamérica, China ou Marruecos.
Durante a xornada inaugural, celebrada a última hora da tarde, a alcaldesa de Xinzo de Limia, Elvira Lama, deu a benvida aos asistentes e desexoulles sorte no seu futuro laboral, destacando a importancia de iniciativas como esta para facilitar a inserción.
Serán, en total, 20 horas de formación e seguiranse todas as medidas sanitarias vixentes. Os participantes deberán cumprir coa normativa e asistir ao 80 por cento do curso para a súa certificación.
