O alcalde de Xinzo de Limia, Amador Díaz, acompañado de Eladio Jardón (un dos profesionais da consultoría en comunicación política máis influentes do mundo), reuníronse co prefecto de Tungurahua (Ecuador), Manuel Caizabanda, para reafirmar o seu compromiso de cooperación en áreas crave para o desenvolvemento do territorio.
Acompañados por autoridades locais, centráronse en fortalecer o ámbito produtivo e brindar capacitación e asistencia técnica aos habitantes rurais.
Durante a reunión, destacouse a importancia de traballar xuntos para impulsar o crecemento económico e social da provincia.
Acordouse establecer programas conxuntos que promovan a innovación e o emprendemento no sector produtivo, co obxectivo de xerar máis oportunidades de emprego e mellorar a calidade de vida da poboación. A capacitación e asistencia técnica son elementos crave para implementar programas de formación en áreas de interese comunitario, centrados no desenvolvemento de habilidades e competencias que impulsen o progreso en todos os sectores.
Esta visita “reforza o compromiso de Xinzo de traballar de maneira coordinada en beneficio da cidadanía, avanzando cara a un futuro próspero e equitativo onde o desenvolvemento sexa accesible para todos os habitantes”, suliñan dende o Concello de Xinzo.
