A mina romana dos milagros de Maceda será a protagonista ourensá no Geolodía de 2021. Trátase dun conxunto de excursións gratuitas e coordinadas pola Sociedad Ecológica de España -realizaranse en todo o país-, guiadas por xeólogos e abertas a todos os públicos que, no caso de Maceda, celebraranse os vindeiros días 8 e 9 de maio -no caso do domingo e ante a posibilidade de que se rexistren precipitacións, podería cambiarse este día para a vindeira fin de semana-.
O obxectivo destas iniciativas será reivindicar, do mesmo xeito, a ciencia da Xeoloxía e a súa utilidade baixo o lema “La Geología ante la Emergencia Climática”.
Segundo explicaron dende a organización, a actividade desenvolverase en Vilardecás, en Maceda, en horario de mañá, aínda que, de rexistrarse moita demanda, poderían ampliarse as visitas ás tardes da mesma fin de semana.
Durante a actividade veranse os sedimentos que enchen a cunca terciaria de Maceda e as técnicas empregadas polos mineiros romanos para explotar a mina.
As prazas para esta acción serán limitadas e, por este motivo, será necesario inscribirse no enderezo electrónico [email protected]. Para máis información poderá consultarse a web geolodia.es.
