Destacan Maside, Seoane, Colmeiro, Lugrís, Maruxa Mallo, Laxeiro, Díaz Pardo, Virxilio, Granell, Xulia Minguillón, Vidal Souto, etc.
Son galegos e universais, pois para ser universal non hai que renunciar ás túas raíces; é máis, non facelo supón un valor engadido. Xeralmente, levan a Galicia na súa obra e retrataron as súas xentes, en contacto coas vangardas internacionais da súa época: cubismo, expresionismo, surrealismo, fauvismo,... Algúns amosan interés pola arte popular -de formas redondeadas- e polos costumes galegos, e outros deixan ver o seu compromiso social. E así vemos con frecuencia estampas da vida rural e mariñeira da época: pescadores e labregos traballando, descansando ou na feira; en conexión coas tendencias artísticas do seu tempo. Paga a pena botarlles un vistazo.
