A menos de un mes da celebración, a organización daba a coñecer onte aos 107 postos participantes que abarcarán oficios tradicionais, artesanía en xeral e gastronomía. Nesta edición darase un protagonismo especial ó oficio dos canteiros, por facer posible Vilanova dos Infantes, o mosteiro de San Salvador ou a capela de San Miguel, que este ano conmemora o centenario da súa declaración como Monumento Histórico Nacional.
A falta de espazo deixou fóra a unha vintena de actividades. “Dende a organización pídeselles desculpas por non poder atender as súas demandas, agardando que en próximas edicións si que poidan entraren nos prazos anunciados e asistiren coa súa actividade a Vilanova dos Infantes”, subliñaban dende a romaría que está organizada e financiada polo Concello de Celanova e o Centro da Cultura Popular Xaquín Lorenzo (dependente da Deputación de Ourense) e conta cunha colaboración económica da Axencia de Turismo de Galicia, así como coa colaboración especial dos veciños e da parroquia de San Salvador de Vilanova, do Museo Etnográfico de Ribadavia e da coral De Ruada.
Ademáis da intensa representación expositiva, Raigame contará con actividades de música, danza e artes escénicas que convertirán a Vilanova na capital das Letras Galega. A programación inclúe concursos etnográficos e o servizo de autobuses históricos que unirán Celanova e Vilanova de 11,00 a 19,00 horas.
