O salón Teatro de Santiago acollerá o vindeiro xoves 27 unha das tres paradas españolas do músico Adam Cohen, canda Madrid e Barcelona.
O cantante e compositor de 39 anos actuará no ciclo Galicia Importa, precedido polo violonchelista Mai Bloomfield, para presentar o disco 'Like a man', editado o 3 de outubro.
Os tres concertos en España do cantante terán un ton intimista, con espazos reducidos e contacto directo co público, segundo apunta a Consellaría de Cultura nun comunicado.
Tras compor para outros artistas, publicou un álbum homónimo en 1998. Ademais editou un disco en francés, coa voz da actriz Virgine Ledoyen e foi integrante da banda de rock Low Millions.
O departamento autonómico de Cultura destaca que no ciclo Galicia Importa xa actuaron, entre outros, Pete Doherty, Jay Jay Johanson, M. Ward e Bonnie 'Prince' Billy.
En próximas datas está previsto que tamén actúen Aloe Blacc e Bettye Lavette, destacados artistas da música soul.