O equipo de Trèves decidiu manter a folga indefinida que iniciou o pasado 8 de febreiro en protesta pola non renovación do convenio e para esixir o mantemento dos postos de traballo. Ademais de opoñerse á aplicación dun ERE extintivo que afectaría 47 persoas, o persoal tamén rexeitou a proposta da empresa de conxelar os seus salarios durante tres anos.
Os traballadores acordaron nunha asemblea manter os paros. O presidente do comité de empresa, David Couñago, expresou a súa disposición a seguir negociando coa dirección de Trèves cando a Inspección de Traballo convoque os representantes sindicais. 'Nós queremos traballar, non ser uns mendigos', asegurou Couñago, polo que 'a mesa de diálogo está aberta' e os traballadores, 'dispoñibles as 24 horas', engadiu.
Dende o comité volveron insistir ante a empresa na súa proposta de substituír o ERE extintivo por un ERE rotatorio para os próximos dous anos, na liña dos que xa se aplicaron en 2009 e 2010. 'Sempre que sentamos, poñemos propostas enriba da mesa, mentres que a empresa solo insiste en que sobra xente', lamentou David Couñago.
19 EN 2012
Ao ERE extintivo que Trèves presentou ante a autoridade laboral e que afecta a 47 persoas, a dirección da empresa engadiu que 'o ano que vén sobran 19 traballadores máis', afirmou o presidente do comité. David Couñago advertiu que se en 2010 Trèves pretende prescindir de 47 operarios e doutros 19 en 2012, 'que pasará a partir de 2013, cando se extinga a produción de modelo de Citroën a que están a contribuír con diversas pezas.
Por iso, David Couñago dirixiuse á dirección de Trèves para que se defina' sobre o futuro da fábrica, situada no polígono de O Campiño, en Pontevedra. O comité de empresa quere facer extensiva esa petición á dirección de PSA-Citroën, á que lle solicitou unha reunión.
David Couñago recordou que, con motivo do peche da outra planta que Trèves tiña na Avenida de Vigo, en Pontevedra, tanto Trèves como Citroën apostaron pola 'recolocación' dos 130 traballadores que quedaron sen emprego, que non chegaron a incorporarse á planta de O Campiño. O voceiro sindical ironizó sobre a posibilidade de que 'a partir de 2013 Trèves se encha a base de empresas de traballo temporal'.
Dende o comité volveron insistir ante a empresa na súa proposta de substituír o ERE extintivo por un ERE rotatorio para os próximos dous anos, na liña dos que xa se aplicaron en 2009 e 2010. 'Sempre que sentamos, poñemos propostas enriba da mesa, mentres que a empresa solo insiste en que sobra xente', lamentou David Couñago.
19 EN 2012
Ao ERE extintivo que Trèves presentou ante a autoridade laboral e que afecta a 47 persoas, a dirección da empresa engadiu que 'o ano que vén sobran 19 traballadores máis', afirmou o presidente do comité. David Couñago advertiu que se en 2010 Trèves pretende prescindir de 47 operarios e doutros 19 en 2012, 'que pasará a partir de 2013, cando se extinga a produción de modelo de Citroën a que están a contribuír con diversas pezas.
Por iso, David Couñago dirixiuse á dirección de Trèves para que se defina' sobre o futuro da fábrica, situada no polígono de O Campiño, en Pontevedra. O comité de empresa quere facer extensiva esa petición á dirección de PSA-Citroën, á que lle solicitou unha reunión.
David Couñago recordou que, con motivo do peche da outra planta que Trèves tiña na Avenida de Vigo, en Pontevedra, tanto Trèves como Citroën apostaron pola 'recolocación' dos 130 traballadores que quedaron sen emprego, que non chegaron a incorporarse á planta de O Campiño. O voceiro sindical ironizó sobre a posibilidade de que 'a partir de 2013 Trèves se encha a base de empresas de traballo temporal'.
