O Ministerio de Fomento confirmou que continuará este mércores a escavación do segundo túnel de acceso do AVE á cidade de Vigo, coa posta en marcha da tuneladora 'A Lebre', tras a finalización dos traballos de mellora e consolidación do terreo na Travesía de Vigo.
O dobre túnel de máis de oito quilómetros dende As Maceiras, en Redondela, ata o centro de Vigo, comezou a escavarse hai case tres anos. O pasado mes de xullo, as dúas tuneladoras cesaron temporalmente a súa actividade para que se realizasen traballos de seguridade e consolidación do terreo, e en novembro continuáronse as escavacións por parte da tuneladora 'A Miñoca'.
Esta máquina saíu á superficie o pasado 24 de novembro, nun pozo situado no barrio de San Lorenzo, a poucos metros da estación de Urzáiz. 'A Miñoca' foi desmontado ao longo das últimas semanas e este mércores retomará a escavación 'A Lebre'.
As tuneladoras que perforan a entrada da alta velocidade en Vigo escavaron unha media de 14 metros diarios aínda que, dende que se puxeron en marcha hai case 3 anos, estiveron paradas por avarías ou por motivos de seguridade en varias ocasións.
Esta máquina saíu á superficie o pasado 24 de novembro, nun pozo situado no barrio de San Lorenzo, a poucos metros da estación de Urzáiz. 'A Miñoca' foi desmontado ao longo das últimas semanas e este mércores retomará a escavación 'A Lebre'.
As tuneladoras que perforan a entrada da alta velocidade en Vigo escavaron unha media de 14 metros diarios aínda que, dende que se puxeron en marcha hai case 3 anos, estiveron paradas por avarías ou por motivos de seguridade en varias ocasións.
