As mulleres representan actualmente o 16 por cento do cadro de persoal da factoría automobilística de PSA Peugeot-Citroën en Vigo e, ao longo do pasado ano, o 30 por cento das persoas contratadas foron mulleres.
Así o asegurou hoxe a dirección da fábrica nun comunicado no que anuncia a constitución da Comisión Paritaria de Igualdade para xestionar todas as liñas de actuación definidas no plan sobre este ámbito da empresa, así como propor e estudar outras novas.
Para o director de PSA Vigo, Juan Muñoz Codina, a igualdade de oportunidades é, desde hai anos, 'unha prioridade' na política social da empresa e iniciativas como a constitución desta comisión de igualdade 'contribúen a que este principio sexa plenamente asumido e compartido por todos'.
A Política de Igualdade no Grupo PSA se articula, segundo Codina, en cinco prioridades, que son feminizar as contratacións, garantir niveis salariais equivalentes entre mulleres e homes, favorecer desenvolvementos profesionais sen diferenzas, acompañar a feminización do emprego mellorando as condicións de traballo e facilitando a conciliación, e ter en conta a igualdade ante a maternidade ou paternidade.
