A voceira de Sanidade do BNG, Ana Luísa Bouza, rexistrou diversas iniciativas para que o Goberno galego inste á Comisión Mixta do Congreso e Senado a iniciar o procedemento de transferencia da sanidade penitenciaria a Galicia.
A deputada subliñou que o senador do BNG na Cámara Alta, Xosé Manuel Pérez Bouza, tamén formulou esta reclamación amparándose na disposición adicional sexta da lei 16/2003 do mes de maio, que establece a transferencia as comunidades autónomas dos servizos sanitarios dependentes de institucións penitenciarias, polo que os prazos para este traspaso foron cumpridos.
