O Consorcio de Turismo da Coruña renderá homenaxe aos escritores galegos enterrados no cemiterio de Santo Amaro cunha visita guiada nocturna, segundo informa.
Cunha hora e media de duración e capacidade para 30 prazas, a visita guiada será este sábado, ás 20,30 horas, "e centrarase en visitar as tumbas de autores clave do Rexurdimento", sinala en alusión a Eduardo Pondal, Curros Enríquez e Manuel Murguía.
Ademais, abordarase a obra e o contexto histórico de máis dunha decena de autores os restos dos cales tamén descansan en Santo Amaro, visitando as sepulturas de Clara Curral, Francisca Herrera e Elisa Lestage, dos irmáns Vilar Ponte, Wenceslao Fernández Flórez, Manuel Lugrís, Eladio Rodríguez, Galo Salinas, Evaristo Mortelo ou Francisco de la Iglesia.
A ruta forma parte do programa de visitas guiadas posto en marcha polo Consorcio de Turismo para facer promoción de edificios e lugares emblemáticos da cidade e que inclúe recorrido como o Pazo Municipal, o parque escultórico da Torre de Hércules ou a cidade de Picasso.
