Os estudos de Medicina ofrecerán un total de 380 prazas para o curso 2012-2013, segundo a proposta acordada hoxe no Consello para a Docencia Clínica.
Esta proposta realizouse despois do estudo de diversos informes, como o elaborado pola Consellaría de Sanidade sobre previsión de necesidades de titulados en Medicina, que conclúe que a actual oferta de prazas de novo ingreso sobrepasa as necesidades previstas de médicos na Comunidade e que esa tendencia se mantén para a próxima década.
Esta proposta será elevada á Conferencia de Política Universitaria, que se celebrará o próximo mes de maio en Madrid, informou a Xunta nun comunicado.
Entre outros asuntos, o Consello tamén emitiu un informou favorable á declaración como universitarios dos complexos hospitalarios de Ourense e Lucus Augusti, de xeito que poderán ser empregados sen restricións en todas as titulacións en Ciencias da Saúde e en todo o sistema universitario de Galicia.
