Por mor da resposta policial, a marcha dispersouse, e os axentes pecharon os accesos a rúa con colectores, persoal e furgóns policiais
A Policía Nacional disparou pelotas de goma ao aire durante a concentración convocada este martes a modo de protesta contra o desaloxo dun edificio okupado en Santiago como centro social.
Despois de que esta mañá un dispositivo policial identificase a dúas persoas durante o desaloxo e tapiase con ladrillos o local, situado na rúa da Algalia de Arriba, no casco histórico, convocouse unha protesta.
Durante o transcurso desta mobilización que partiu de Porta do Camiño, onde se apostaba media ducia de furgóns de Policía, mesturáronse os disparos dos antidisturbios co lanzamento de bengalas por parte dos convocados, que se contaban por centos.
Por mor da resposta policial, a marcha dispersouse, e os axentes pecharon os accesos á Algalia de Arriba con colectores, persoal despregado e furgóns policiais. Con todo, sucédense os disparos das escopetas de pelotas de goma.
