A Garda Civil localizou na tarde deste mércores un peregrino que se desorientara e perdeu mentres facía o Camiño de Santiago no concello ourensano de Laza.
O home chamou á Central de Coordinación 112-Galicia sobre as 17.20 horas, asegurando que se desorientara e, posteriormente, caído a un río. O home non sabía con certeza en qué lugar se atopaba, aínda que sinalou que o último pobo polo que pasara fora Campobecerros.
No momento foron activados efectivos de Garda Civil e de Protección Civil de Laza, que buscaron polas inmediacións do Camiño ao home. Foi localizado sobre as 19.30 horas na zona de Fontefría.
