O descalabro electoral sufrido polo BNG carballiñés o pasado 22 de maio, coa perda de 1.600 votos e tres concelleiros) motivou unha crise no seo do consello local, que derivou na dimisión do seu responsable, Eladino Cabanelas, da oficialista UPG, e doutros dous membros, Pilar Barros e Marco Antonio Reboredo, do movemento 'Encontro Irmandiño' e discrepantes coa citada liña.
Ante esta situación, os dirixentes locais do BNG decidiron renovar os cargos citados, nomeando a Diego González Valeiras como secretario local, e introducindo a Xosé Manuel Codesido, Soledad Sobrado e Elvira Fernández como substitutos dos cesados.
Diego González recoñeceu que 'houbo erros no noso plantexamento cara ós cidadáns do Carballiño, que tentamos arranxar cunha renovación, á espera da asamblea xeral do vindeiro outono'. No consello local, ademáis de Valeiras, mantense Áurea Francisco, única concelleira do BNG na Corporación municipal.
Diego González recoñeceu que 'houbo erros no noso plantexamento cara ós cidadáns do Carballiño, que tentamos arranxar cunha renovación, á espera da asamblea xeral do vindeiro outono'. No consello local, ademáis de Valeiras, mantense Áurea Francisco, única concelleira do BNG na Corporación municipal.