Estará aberta ao público durante os días 11, 12 e 13 de marzo na 'pista roxa' da praza do emigrante.
Carballiño acollerá o vindeiro fin de semana a II Feira do stock de inverno, que organiza el Centro Comercial Aberto da localidade. Está prevista a participación neste certame dun total de trece establecementos comerciais.
A feira estará aberta ao público durante os días 11, 12 e 13 de marzo e o marco elexido para a mesma é a 'pista roxa' da Praza do Emigrante, como na edición do ano pasado.
Os establecementos que xa confirmaron a súa participación abranguen áreas comerciais moi diversas, como as prendas infantís, prendas para adultos, calzado, complementos, lencería ou artigos gourmet.
O Centro Comercial Aberto sinala que as ofertas que se realizarán no transcurso da Feira estarán acompañadas pola posibilidade de gañar varios premios directos no momento en que os clientes efectúen as súas compras. Neste sentido, cos importes superiores a dez euros entregaranse boletos sorpresa. Entre os premios que levarán incorporados estes boletos figuran desde bolsas reutilizables a vales de compra directa no stock, artigos tecnolóxicos, lotes de viño, lotes gourmet, ademáis de descontos e promoción en tendas que forman parte do Centro Comercial Aberto carballiñés.
