As persoas ou familias que se atopen en situación de exclusión social, emigrantes retornados ou inmigrantes sen ingresos serán os beneficiarios do Banco de Alimentos do Concello do Carballiño.
A Concellería de Benestar Social abrirá un prazo para a distribución dun total de 3.000 euros en lotes de comida non perecedeira, cun investimento de 20 euros por lote. A responsable deste departamento, Purificación Alberte, suliñou que 'os lotes estarán compostos de leite, aceite, azucre, lentellas, fabas, garbanzos, pasta, cereais e biscoitos'. O Concello valorará o número de membros da unidade familiar e os seus ingresos.