O seu traballo "El origen universitario como determinante del resultado empresarial" foi premiado pola Cátedra de Emprendedores da Universidade de Salamanca.
María Jesús Rodríguez Gulías, exalumna do IES Nº1 do Carballiño, obtivo o Premio á Mellor Tese Doutoral sobre emprendemento e creación de empresas dirixido a teses en todas as universidades españolas. O título do seu traballo é: "El origen universitario como determinante del resultado empresarial de las spin-offs española: Análisis de la supervivencia, crecimiento e innovación".
O galardón pertence aos premios “CEUSAL 2015” outorgados pola Cátedra de Emprendedores da Universidade de Salamanca, cos que se recoñecen os mellores traballos de fin de grao, mellores traballos de fin de máster e a mellor tese doutoral sobre emprendemento. A dotación económica do premio é de 2.500 euros. A tese xa obtivo a comezos de 2014 a máxima cualificación, sobresaliente cum laude, outorgada por un tribunal que presidiu Arturo Rodríguez Castellanos da Universidade do País Vasco.
