Os directivos da Sociedade Agraria Oural de Beariz ultiman os preparativos para a organización da segunda edición da Festa de exaltación do Porco Celta, que se celebrará o vindeiro domingo nesta localidade da Terra de Montes. Para esta ocasión, sacrificáronse seis reses que supoñen un volumen aproximado de 800 quilos en canal para a carne que se vai servir na festa, sinala José Balboa, voceiro da entidade gandeira e membro do equipo organizador.
O recinto do pavillón polideportivo de Beariz acollerá dende as 14,00 horas o xantar oficial, para o que foron postas á venda unhas tarxetas ó prezo de 20 euros co obxectivo de conquerir unha importante afluencia de comensais, xa que iste ano queremos acadar as 700 persoas, comenta Balboa. O menú estará composto por roxós, empanada, chourizos con cachelos, carne á brasa, tarta de Santiago, café e licores, e unha adega do Ribeiro amosouse disposta a poñer as botellas de viño, tanto tinto como branco. O festexo gastronómico inclúe coma novidade a instalación dunhas carpas para a apertura dunha feira de artesanía.
Autoridades
Neste mercado ubicada na explanada do colexio público de Beariz estarán presentes un total de 30 membros do colectivo de artesáns das Rias Baixas e doutros puntos da xeografía galega. Ademais, os visitantes poderán admirar nun recuncho cuberto a unha porca celta cos seus ranchos. Os organizadores xa teñen confirmada a presencia do presidente da Deputación provincial de Ourense, José Luis Baltar, e o delegado da Consellería de Medio Rural, Xosé Rodríguez Cid, e confían na asistencia de Xosé Antón Jardón, delegado de Industria. Neste aspecto, José Balboa comenta que tamén están invitados, entre outras autoridades, os conselleiros Suárez Canal, Fernando Blanco, Manuel Vázquez e Teresa Táboas, esta última por ser oriunda do noso municipio.
Autoridades
Neste mercado ubicada na explanada do colexio público de Beariz estarán presentes un total de 30 membros do colectivo de artesáns das Rias Baixas e doutros puntos da xeografía galega. Ademais, os visitantes poderán admirar nun recuncho cuberto a unha porca celta cos seus ranchos. Os organizadores xa teñen confirmada a presencia do presidente da Deputación provincial de Ourense, José Luis Baltar, e o delegado da Consellería de Medio Rural, Xosé Rodríguez Cid, e confían na asistencia de Xosé Antón Jardón, delegado de Industria. Neste aspecto, José Balboa comenta que tamén están invitados, entre outras autoridades, os conselleiros Suárez Canal, Fernando Blanco, Manuel Vázquez e Teresa Táboas, esta última por ser oriunda do noso municipio.
