O grupo municipal do PSOE de Punxín manifestou onte que o alcalde, Manuel Vázquez, do PP, está a desviar toda a atención dos veciños cara un polígono industrial, 'cando o proxecto que levaban no seu programa electoral era a creación dun complexo termal no Bañiño'. O voceiro socialista, David Cruz, apunta que para crear unha área empresarial, 'primeiro hai que contar coa conformidade dos veciños, xa que as fincas son privadas e téñense que pagar, cun custe moi elevado para as arcas municipais'.
O concelleiro dubida de que 'haxa cartos para elo, xa que hoxendía un parque industrial é un proxecto inviable, tendo en conta que grandes e medianas empresas están a facer recortes de persoal'.. Cruz lembra que a proposta de solo empresarial xa foi valorada polo Concello de Punxín a xunta e os propios redactores do Plan Xeral de Ordenación de Galicia e os propios técnicos do plan, 'que aseguraron que era un proxecto moi costoso para un municipio coma Punxín, que tan só dispón dun orzamento de pouco máis de 300.000 euros'.
