A Fundación Otero Pedrayo abriu por terceiro ano consecutivo o prazo de participación para a convocatoria do Premio Anual Otero Pedrayo para estudantes da ESO e Bacharelato. A finalidade do galardón consiste en difundir a personalidade de Otero Pedrayo, intelectual galeguista vencellado ao grupo Nós, entre os máis novos, de xeito que profundicen na vida e obra do escritor.
As bases do concurso establecen que poderá participar calquera estudante ou grupo de estudantes de Educación Secundaria Obrigatoria ou Bacharelato. Os traballos deben estar centrados na vida ou na obra de Ramón Otero Pedrayo. O prazo de presentación dos traballos remata o 30 de marzo. Haberá dous premios para os traballos individuais -un para o alumnado da ESO e outro para o matriculado en Bacharelato- e dous premios para os traballos en grupo.