Esta fin de semana celebrarase en Ourense o XIII Encontro Internacional de Poesía Víctor Campío, organizado polo Círculo Poético Ourensán e a Deputación. A data agasallará á cidade coa presenza de poetas de distintas partes do globo, como Brasil ou México, e consistirá nunha serie de actos nos que a lírica se fusionará coa cidade.
Ata Ourense desprazaranse Xavier Eduardo López, de San Luís Potosí, México; Irma Ruth del Ángel, de San Luís Potosí, México; Katia de Nacemento, de Brasil; e Sergio Acedo, de Portugal. Tamén participará Fabio Dacosta (Ourense).
Programa
O encontro arrancará hoxe vernes ás 10,00 horas, coa visita dos poetas aos colexios de Josefinas, Mestre Vide e Cisneros. Pola tarde, ás 20,00 horas, celebrarase un concerto recital no centro comercial Ponte Vella.
O sábado a partir das 11,30 horas desenvolverase un roteiro poético polo casco histórico da cidade con saída do Parque San Lázaro. E xa pola tarde, ás 19,30 horas, terá lugar a Gala de Círculo Poético Ourensán no Liceo de Ourense.
E, na última xornada, o domingo 4 ás 12,30 horas, celebrarase un recital poético no Pazo de San Damián. A entrada a todos os actos será libre e de balde.
