A Facultade de Dereito do Campus acollerá o martes, as 16.30 horas, as xornadas 'Os dereitos humanos no século XXI'.
Na inauguración intervirá Lorenzo Martín-Retortillo, catedrático de Dereito Administrativo da Universidad Complutense de Madrid que disertará sobre o sistema de dereitos fundamentais trala entrada en vigor do Tratado de Lisboa. Trala súa intervención, ás 18.30, impartirá un relatorio Mª del Carmen Barranco Avilés, profesora de Filosofía do Dereito da Universidad Carlos III de Madrid. O mércoles, ás 10.30 horas, intervirá Rafael de Asís Roig, catedrático de Filosofía do Dereito Universidad Carlos III de Madrid que disertará sobre 'Discapacidade, dependencia e dereitos humanos', mentres que ás 12.30 o convidade será Gregorio Peces-Barba, catedrático de Filosofía do Dereito da Universidad Carlos III de Madrid, que afondará na Educación para a Cidadanía.
