Desde a tranquilidade da súa residencia habitual, en Ourense, Carmen Iglesias, expulsada da Esquerda Unida (EU) e oficialmente deputada do Grupo Mixto despois de o solicitar así, perfila a estratexia política que seguirá sen esa 'presión insoportable' que pola súa 'saúde mental e dignidade' xa non soportaba e despois do fracaso dun pacto con Xosé Manuel Beiras que non prosperou.
Esta muller, que concorreu como número dous da AGE por Ourense ao Parlamento, accedeu ao escano en contra do criterio da súa organización política, EU, que, para o equilibrio de forzas na coalición con Anova pretendía que permitise correr a lista unha vez que o deputado David Fernández Calviño, militante desta última, abandonou a súa acta para un proxecto de investigación en Dinamarca.
Despois da experiencia 'sufrida', a Carmen Iglesias cústalle falar deste asunto, que prefire desterrar, e na súa casa, onde convive coa súa parella e un can, conta á EFE que 'agora comeza outra nova etapa. A anterior rematou no momento en que Esquerda Unida-Izquierda Unida me expulsou. E no momento en que vemos todos que non funcionará a integración, isto rompe e non pasa nada'.
'Somos todos parlamentarios e somos todos civilizados', prosegue.
En vez de mostrar acritude, simplemente concreta que continuar na Alternativa Galega de Esquerda (AGE) non foi factible e explica que houbo 'unha especie de pacto' co portavoz, Xosé Manuel Beiras, para deixar pasar un tempo 'a ver se funcionaba, e non funcionou'.
Vinculada durante anos á loita sindical, asegura que se quere centrar no seu traballo 'dentro do Grupo Mixto' co obxectivo de 'levar a voz das minorías', que son o seu principal apoio para o seu rol de 'dignificar o exercicio político'.
Carmen Iglesias sostén que o seu discurso será 'politicamente incorrecto aínda que conservando as formas', e mesmo avanza as súas primeiras propostas: 'Unha sobre a Lei de familia e outra de protección da maternidade'.
Non lle gusta o anteproxecto de reforma da lei do aborto, especifica por se o seu comentario puidese dar lugar a un equívoco, xa que se a anterior era 'imperfecta', engade, 'agora volvemos ás cavernas'.
Da corrupción e a política, ante supostas tramas como a que está a ser investigada na chamada operación Pokemon, considera que a orixe está 'na cúpula dos partidos', mais prefire deixar isto 'aos partidos que foron sinalados'.
Considera positivo o feito de que haxa até cinco grupos políticos no Parlamento porque 'canto máis plural, máis representativo e máis democrático'.
As cuestións económicas sintetízaas nunha reflexión: 'Ou ben se recorta ao grupo do que me fun ou ben a todos os grupos se lles recorta algo, o que pasaría ao Grupo Mixto', neste caso conformado unicamente por ela.
A situación vea 'moi saudable' e 'un bo pretexto para que se revisen as asignacións económicas que se lles dan aos grupos'.
Carmen Iglesias teme os atavismos, porque é 'muller e vella' e existen 'certos micromachismos' que comprobou, apunta, nas bromas sobre os seus lentes de sol ou a súa idade.
'Mais para min é un motivo máis de loita nun traballo que afronto esperanzada'.
A súa intención é 'falar con todos' e traballar polos cidadáns despois dun longo e arduo camiño que ten que valer a pena, porque se non crese no que pode facer 'non estaría aquí'.
Esta muller, que concorreu como número dous da AGE por Ourense ao Parlamento, accedeu ao escano en contra do criterio da súa organización política, EU, que, para o equilibrio de forzas na coalición con Anova pretendía que permitise correr a lista unha vez que o deputado David Fernández Calviño, militante desta última, abandonou a súa acta para un proxecto de investigación en Dinamarca.
Despois da experiencia 'sufrida', a Carmen Iglesias cústalle falar deste asunto, que prefire desterrar, e na súa casa, onde convive coa súa parella e un can, conta á EFE que 'agora comeza outra nova etapa. A anterior rematou no momento en que Esquerda Unida-Izquierda Unida me expulsou. E no momento en que vemos todos que non funcionará a integración, isto rompe e non pasa nada'.
'Somos todos parlamentarios e somos todos civilizados', prosegue.
En vez de mostrar acritude, simplemente concreta que continuar na Alternativa Galega de Esquerda (AGE) non foi factible e explica que houbo 'unha especie de pacto' co portavoz, Xosé Manuel Beiras, para deixar pasar un tempo 'a ver se funcionaba, e non funcionou'.
Vinculada durante anos á loita sindical, asegura que se quere centrar no seu traballo 'dentro do Grupo Mixto' co obxectivo de 'levar a voz das minorías', que son o seu principal apoio para o seu rol de 'dignificar o exercicio político'.
Carmen Iglesias sostén que o seu discurso será 'politicamente incorrecto aínda que conservando as formas', e mesmo avanza as súas primeiras propostas: 'Unha sobre a Lei de familia e outra de protección da maternidade'.
Non lle gusta o anteproxecto de reforma da lei do aborto, especifica por se o seu comentario puidese dar lugar a un equívoco, xa que se a anterior era 'imperfecta', engade, 'agora volvemos ás cavernas'.
Da corrupción e a política, ante supostas tramas como a que está a ser investigada na chamada operación Pokemon, considera que a orixe está 'na cúpula dos partidos', mais prefire deixar isto 'aos partidos que foron sinalados'.
Considera positivo o feito de que haxa até cinco grupos políticos no Parlamento porque 'canto máis plural, máis representativo e máis democrático'.
As cuestións económicas sintetízaas nunha reflexión: 'Ou ben se recorta ao grupo do que me fun ou ben a todos os grupos se lles recorta algo, o que pasaría ao Grupo Mixto', neste caso conformado unicamente por ela.
A situación vea 'moi saudable' e 'un bo pretexto para que se revisen as asignacións económicas que se lles dan aos grupos'.
Carmen Iglesias teme os atavismos, porque é 'muller e vella' e existen 'certos micromachismos' que comprobou, apunta, nas bromas sobre os seus lentes de sol ou a súa idade.
'Mais para min é un motivo máis de loita nun traballo que afronto esperanzada'.
A súa intención é 'falar con todos' e traballar polos cidadáns despois dun longo e arduo camiño que ten que valer a pena, porque se non crese no que pode facer 'non estaría aquí'.
