O espectáculo "Redondo" de Caramuxo Teatro chega hoxe a Mostra de Teatro Infantil (MOTI). Laura Saraola é a directora da obra
Caramuxo Teatro comenzou a súa andadura no teatro para bebés no 2003, cando case que ningunha compañía galega apostaba por esta idea. O seu espectáculo "Redondo" chega hoxe a Mostra de Teatro Infantil (MOTI) para demostrar que os bebés téñeno moi fácil para desfrutar co teatro. Unha proposta que xoga coas formas e que poderá verse en dous pases, as 12,00 e as 17,00 horas, no Principal. Laura Sarasola é a directora da obra.
Como describiría a obra?
É un espectáculo teatral que aúna dúas premisas, estar pensado para bebés e partir da docencia. Nesto inflúe o feito de que tanto Juan, o actor desta obra, coma min traballamos no mundo educativo. Dírixise principalmente a un público a partir de 6 meses e ata os tres anos.
Que elementos xogan un papel importante no espectáculo?
Concíbese dun xeito moi visual, case non se empregan palabras e, polo tanto, xogamos moito coas imaxes, a iluminación e a música. Estes elementos conxúganse dunha maneira específica para que os máis pequenos presten atención e non se aburran. Perséguese que sempre haxa algún estímulo cambiante para que os bebés non perdan o fío.
Cos xestos é máis fácil chegar aos bebés?
Estamos convencidos de que os máis pequenos asumen moito mellor unha linguaxe non falada que un conto con moitas palabras. O máis importante nestes casos é a intencionalidade da interpretación e lograr que esta chegue dun xeito moi real.
Trabállase o aspecto didáctico dun xeito específico?
Non. Mais ben está incluído nas imaxes pero non dun xeito evidente. Si que é certo que xogamos coas formas e, neste caso, partimos dun personaxe ao que lle encanta todo o que é redondo. Pero tamén se inclúen elementos de sorpresa, de humor e outros máis poéticos.
Onde radica a importancia dos espectáculos infantís?
Creemos que é fundamental. Non só o teatro, senón todas as artes. Para aprender algo é fundamental emocionarse, e precisamente para iso temos a arte con todas as letras, sobre todo nestas idades que se emocionan moito máis.