A candidata nacionalista advertiu que "os nosos principios do BNG non cambiaron", antes de reclamar un debate "público e aberto" entre os cabezas de lista ourensáns
Noa Presas, número un da candidatura ao Congreso do BNG por Ourense, avanzou esta mañá nun encontro con xornalistas unha proposta para que se organice un debate con todas as formacións políticas en Ourense. “Un debate que sexa público, aberto e moderado por algunha entidade independente. Pedímolo agora, con tempo antes de que comece a campaña electoral, porque pensamos que o debate é a única forma de que os temas específicos de Ourense sexan tratados na campaña”, insistiu Presas ante os xornalistas.
O BNG remitiu esta mesma mañá unha carta coa proposta aos cabeza de lista de cada unha das outras sete candidaturas que se presentan ao Congreso na provincia.
“Pensamos que o debate é a forma máis democrática de contrastar tanto as ideas, como as propostas políticas, como a capacidade das persoas para defendelas”, subliñou Noa Presas que ofreceu a colaboración do BNG-Nós para traballar na organización e adiantou que iría ao debate sen ningún tipo de condicións previas. A candidata nacionalista tamén considerou que debería ser “unha obrigación” de calquera que se presentase a unhas eleccións someterse a este tipo de debates públicos con outros candidatos.
Presas recoñeceu que hai formacións que foxen dos debates e de explicar as súas propostas e sinalou como exemplo as dificultades que terá o PP para indicar a que valores e formas de “xerar emprego e benestar” se refería onte a candidata popular ao Senado, Miri Barreira. “Non sei se os valores do PP en Ourense son os do tantos anos alcalde de Quintela, se a súa forma de xerar emprego e benestar familiar é a do alcalde de Quintela”.
Respecto da próxima campaña electoral, Presas advertiu que “os nosos principios do BNG non cambiaron” e comentou que “imos incidir nas propostas da última campaña porque durante estes seis meses os problemas de Ourense non se abordaron, perdeuse o tempo en Madrid e os problemas empeoraron”. E sinalou que aspira a conseguir mellores resultados porque “somos dunha xeración golpeada polo desemprego, pola violencia e pola emigración; somos unha xeración moi golpeada pero acostumada a levantarse e a loitar con ilusión por cambiar as cousas para poder traballar e vivir dignamente aquí”.
Nunha entrevista a primeira hora da mañá en Radio Nacional, Noa Presas referiuse tamén ao papel que xogaría o BNG no futuro Congreso. “Temos propostas para Ourense e para Galiza e moi claro ao que imos ir a Madrid: é unha prioridade desaloxar ao PP pero iso ten que ir acompañado dun proxecto político, non pode ser un mero slogan”.Noa Presas, número un da candidatura ao Congreso do BNG por Ourense, avanzou esta mañá nun encontro con xornalistas unha proposta para que se organice un debate con todas as formacións políticas en Ourense. “Un debate que sexa público, aberto e moderado por algunha entidade independente. Pedímolo agora, con tempo antes de que comece a campaña electoral, porque pensamos que o debate é a única forma de que os temas específicos de Ourense sexan tratados na campaña”, insistiu Presas ante os xornalistas.
O BNG remitiu esta mesma mañá unha carta coa proposta aos cabeza de lista de cada unha das outras sete candidaturas que se presentan ao Congreso na provincia.
“Pensamos que o debate é a forma máis democrática de contrastar tanto as ideas, como as propostas políticas, como a capacidade das persoas para defendelas”, subliñou Noa Presas que ofreceu a colaboración do BNG-Nós para traballar na organización e adiantou que iría ao debate sen ningún tipo de condicións previas. A candidata nacionalista tamén considerou que debería ser “unha obrigación” de calquera que se presentase a unhas eleccións someterse a este tipo de debates públicos con outros candidatos.
Presas recoñeceu que hai formacións que foxen dos debates e de explicar as súas propostas e sinalou como exemplo as dificultades que terá o PP para indicar a que valores e formas de “xerar emprego e benestar” se refería onte a candidata popular ao Senado, Miri Barreira. “Non sei se os valores do PP en Ourense son os do tantos anos alcalde de Quintela, se a súa forma de xerar emprego e benestar familiar é a do alcalde de Quintela”.
Respecto da próxima campaña electoral, Presas advertiu que “os nosos principios do BNG non cambiaron” e comentou que “imos incidir nas propostas da última campaña porque durante estes seis meses os problemas de Ourense non se abordaron, perdeuse o tempo en Madrid e os problemas empeoraron”. E sinalou que aspira a conseguir mellores resultados porque “somos dunha xeración golpeada polo desemprego, pola violencia e pola emigración; somos unha xeración moi golpeada pero acostumada a levantarse e a loitar con ilusión por cambiar as cousas para poder traballar e vivir dignamente aquí”.
Nunha entrevista a primeira hora da mañá en Radio Nacional, Noa Presas referiuse tamén ao papel que xogaría o BNG no futuro Congreso. “Temos propostas para Ourense e para Galiza e moi claro ao que imos ir a Madrid: é unha prioridade desaloxar ao PP pero iso ten que ir acompañado dun proxecto político, non pode ser un mero slogan”.
