David Vázquez: “O Teatro Amador está maltratado, nós chegamos onde outros non chegan"

Un veciño de Taboadela, David Vázquez, preside a Federación Teatral Afeccionada de Galicia (Feteagal), que move a preto de 200 persoas afeccionadas ao teatro e cuxo xerme naceu en Ourense. As primeiras xornadas formativas en teatro afeccionado, co patrocinio da Deputación de Ourense, comezaron onte cunha clase da actriz Mariana Carballal. Feteagal formará a 50 participantes de toda España nun evento que se celebra tamén en Cea e Vilamarín ata o próximo día 17. O obxectivo é aprender máis do mundo da interpretación pero tamén coñecer lugares da provincia, fomentando o turismo nestas datas. Feteagal é moi recente. Por que deciden montala? Empezamos a funcionar en febreiro de 2021 con sete grupos e rápidamente se uniron outros dous. O obxectivo é aunar forzas para defender o teatro amador (afeccionado). Está un pouco maltratado ou non se lle dá a importancia que debería. Nós chegamos onde moitas compañías profesionais non chegan, como os núcleos rurais. Adaptámonos tamén a calquera tipo de espacios: terra, cemento… Non ten que ser un auditorio con luces e sons. Para darlle difusión e deixar de anclarnos no pasado, as xornadas son unha proposta nova e dinamizadora que se achega a outras culturas. Outro obxectivo é defender a lingua galega. Vén xente de Asturias, Cantabria… Como conseguiron atraelos a Ourense? Porque estamos na Confederación Nacional de Teatro Amador e a partir de aí é moi fácil promocionar os eventos. Quixemos que a xente de fóra viñera coñecer a Ourense nunha data como a Semana Santa, que son varios días de festivos. É un plan alternativo para coñcer Ourense e aprender dos mellores formadores Quen son os ourensáns detrás desta nova federación? Amantes do teatro a morte. Somos sete grupos de Ourense. En Solo Teatro fomos a Nova York a actuar, por exemplo. Temos grupos de teatro de Taboadela, Barbadás, Coles, O Barco… Varios grupos que son o xermen da federación. A onde chega o teatro amador que non chega o profesional? Moitas veces traballamos sen luces, sen son… en núcleos rurais. É unha característica diferencial do teatro. Tampouco cobramos o que cobran os profesionais e moitas veces si temos obras que están á mesma altura que o teatro profesional. Tampouco temos os mesmos medios. E facémolo por paixón. Sacamos horas do noso tempo libre. Teñen novos proxectos? Temos moitísimas cousas na cabeza. Xa estamos pensando nas seguintes xornadas formativas. Ourense move máis xente que outras provincias no teatro afeccionado? Ourense ten ese compoñente teatral de Sarabela e moitos grupos de teatro que naceron aquí, pero en toda Galicia hai ese movemento. Cantos son en Ourense? Seremos sobre 200 persoas.