O mar cun veleiro ao fondo, unha mascota e un 'selfie' son, por esta orde, as fotos favoritas dos galegos en verán
O mar cun veleiro ao fondo, unha mascota e un 'selfie' son, por esta orde, as fotos favoritas dos galegos en verán, mentres que as que máis comparten nas redes sociais son as de paisaxes (63%), as de amigos (34%) e as dunhas cervexas nun bar (22%), segundo un estudio de Cervexeiros de España.
As persoas máis presentes nas fotos tomadas co teléfono móbil son a familia e os amigos, protagonistas do 45% e o 39% das instantáneas respectivamente. A estes séguenos os propios autores das fotos (27%), o que demostra o auxe do 'selfie' en Galicia.
Se están fóra da casa, as situacións nas que os galegos envían máis fotos aos seus amigos mediante WhatsApp ou calquera outra aplicación de mensaxería son cando se atopan tomando unhas cañas nun bar, de viaxe noutra cidade e na praia, segundo o estudio 'As fotos do verán', de Cervexeiros de España, elaborado por Madison Market Research.
