A asociación cultural A Rebusca, en colaboración co Concello de Manzaneda, prepara unha nova edición dos seus cantos de bodega, que terá lugar mañá sábado 6 de abril. A diferenza doutros eventos en lugares máis poboados, esta iniciativa leva a música dos cantos a varias adegas particulares do pobo, facendo que estes cantos sexan máis familiares.
Nesta edición, seis lugares, incluíndo dous bares locais e catro adegas de veciños, marcarán o percorrido pola vila medieval de Manzaneda.
Os grupos musicais, con participantes maioritariamente da propia vila e arredores, entre eles Abertal, As Macizas Centrais, Os Bertolinis, Os de Óscar, Pándegas e Quinchousa Oscura, daranse cita na Praza do Estía ás 19,00 horas onde recibirán de parte da organización o horario e lugares para iniciar o percorrido desde as 19,30 ata as 22,00 horas, con media hora de actuación en cada punto sinalado.
Os bares Nevada e O Pendón serán o punto de encontro, xunto coas adegas de Juan Hervella, Totó Rodríguez, Vladi Bello e Mani Moretón, coa súa “adega da señora Teresa”.
O Concello de Manzaneda colabora co evento coma en edicións anteriores, proporcionando viño, empanada e embutidos a cada un dos locais participantes, axudando así a que as bodegas particulares colaboren nesta singular festa.
