Os actos conmemorativos dos 60 anos transcurridos desde o pasamento do escritor Vicente Risco (1884-1963) remataron esta fin de semana en el Concello de Castro Caldelas. O recinto do castelo da vila foi escenario do concerto que ofreceu o grupo portugués Cardo Roxo e que congregou a numeroso público.
Desde o departamento de Cultura de Castro Caldelas apuntaron que o programa de actos conmemorativos da devandita data rematou na vila. Tamén lembraron os momentos que o escritor pasou nela, cos seus amigos, compartindo momentos de creación literaria e asistindo a tertulias.
“Castro Caldelas foi o lugar onde creou ou foi a inspiración deste destacado e polifacético literato da xeración Nós”, segundo apuntaron desde o Concello caldelá.
En recoñecemento á figura do escritor, o Concello de Castro Caldelas adicoulle unha das súas rúas e unha área recreativa. Por outra banda, a súa casa natal na actualidade acolle un establecemento que leva o nome de “Pousada Vicente Risco”.