Os trucos de maxia do artista Luis Boyano serviron na noite de onte no Auditorio do Carballiño como acto de clausura das Xornadas de Cine e Vídeo en Galicia (Xociviga), que acadaron a súa vixésimo sexta edición con moitas novidades. Entre elas, a concelleira de Cultura, Inmaculada Ucha, destaca a presenza de actores e directores para a presentación dos seus traballos, as galas de inauguración e entrega de premios e, tamén, a colaboración prestada polos pioneiros desta iniciativa e os artistas carballiñeses.
O mago Luis Boyano fixo desaparecer as Xociviga na súa actuación de onte a noite no Auditorio municipal do Carballiño. Tan só foi un espectáculo de maxia que clausurou as Xornadas de Cine e Vídeo en Galicia tras unha completa semana adicada ó audiovisual, en especial, ó galego.
Foron máis de 30 proxeccións de longametraxes, curtas e documentais, nos que hai que destacar a presenza de actores coma Rubén Riós e Chete Lera, e directores da talla de José Luis Cuerda, Ángel de la Cruz, Víctor Coyote ou Rubén Coca, que acudiron ó Carballiño para amosar os seus últimos traballos, sinala a edil de Cultura, Inmaculada Ucha.
A responsable da organización aínda non ten un reconto dos espectadores que asistiron ás sesións, pero vimos moita máis xente que nas edicións anteriores, incluso nas funcións da Casa da Cultura, e por iso teño que dicir que estas foron as mellores Xociviga dende que son conce lleira desta área, o ano 2003.
Inmaculada Ucha tamén valora as figuras de Xosé Prada, que recibiu a segunda Insignia de Ouro das xornadas, e de Xosé Manuel Olveira, Pico, o popular actor que se fixo acredor da Xociviga de Honra pola súa lon ga traxectora no audiovisual galego. A coordenadora do festival fai mención da colaboración prestada polas persoas que fundaron as xornadas, como é o caso Miguel Anxo Fernández e José Luis Diz, e dos artistas locais Roi Prada, que fixo o car tel, e Chicho Carballido, autor da escultura do premio.
Inmaculada Ucha valorou, ademais, os actos de inauguración e de entrega de galardóns, nas que veciños e autoridades arrouparon ás persoas que mereceron o noso recoñecemento.
Foron máis de 30 proxeccións de longametraxes, curtas e documentais, nos que hai que destacar a presenza de actores coma Rubén Riós e Chete Lera, e directores da talla de José Luis Cuerda, Ángel de la Cruz, Víctor Coyote ou Rubén Coca, que acudiron ó Carballiño para amosar os seus últimos traballos, sinala a edil de Cultura, Inmaculada Ucha.
A responsable da organización aínda non ten un reconto dos espectadores que asistiron ás sesións, pero vimos moita máis xente que nas edicións anteriores, incluso nas funcións da Casa da Cultura, e por iso teño que dicir que estas foron as mellores Xociviga dende que son conce lleira desta área, o ano 2003.
Inmaculada Ucha tamén valora as figuras de Xosé Prada, que recibiu a segunda Insignia de Ouro das xornadas, e de Xosé Manuel Olveira, Pico, o popular actor que se fixo acredor da Xociviga de Honra pola súa lon ga traxectora no audiovisual galego. A coordenadora do festival fai mención da colaboración prestada polas persoas que fundaron as xornadas, como é o caso Miguel Anxo Fernández e José Luis Diz, e dos artistas locais Roi Prada, que fixo o car tel, e Chicho Carballido, autor da escultura do premio.
Inmaculada Ucha valorou, ademais, os actos de inauguración e de entrega de galardóns, nas que veciños e autoridades arrouparon ás persoas que mereceron o noso recoñecemento.